Ye Inayaton Ki Jaza Mili
Ye Hidayaton Ka Sila Mila
Jo Charage Noore Nabi Ka Tha
Jise Karbala Mein Bujha Diya
Ye Hussain Tera Hi Kaam Tha
Ke Sab Apne Laal Fida Kiye
Tujhe Un Sitaron Ne Doob Kar
Shab E Gham Ka Chand Bana Diya
Ye Ali Ke Laal Ki Himmatein
Ye Sina O Teer Ki Dawatein
Kabhi Naujawan Ka Jigar Diya
Kabhi Bezaban Ka Gala Diya
Kaho Dil Kahan Se Ye Layenge
Jo Hussain Qaime Mein Jayenge
Jise Maa Ki Godh Se Laaye Thay
Usay Zer E Khaak Sula Diya
Na Hussain Ghode Pe Tham Sake
Jo Sada Azan Ki Buland Thi
Wo Namaz E Asr Ka Waqt Tha
Ke Zameen Pe Khud Ko Gira Diya
Teri Sarfaroshi Ki Shaan Thi
Jo Hayat E Deen E Khuda Bani
Na Mila Kisi Ko Hayat Mein
Tujhe Maut Ne Jo Maza Diya
Chaman Aap Apna Mita Gaye
Ke Bahaar E Deen E Khuda Rahe
Na Jama Jo Rang Bahaar Se
To Lahoo Bhi Apna Mila Diya
