Khake Taiba Mere Seene Se Laga Di Jaaye,
Haan Basharat Mujhe Jannat Ki Suna Di Jaye.
Mehfil-e-Naat Phir Ek Baar Saja Di Jaaye,
Qalbe Dushman Ki Jalan Aur Badha Di Jaaye.
Hosh Aayega Na Duniya Ki Dawaao Se Mujhe,
Naale Sarkaare Do Aalam Ki Hawa Di Jaaye.
Jis Paseene Ki Mahak Makke Ki Galiyon Me Rachi,
Wohi Khushboo Mujhe Ek baar Sungha Di Jaaye.
Ibne Khattab Ko Farooq Banaaya Jisne,
Wohi Tasveer Mere Dil Me Bitha Di Jaaye.
Ishq Gar Jurm Hai Faansi Ki Saza Do Mujh ko,
Dare Mehboob Pe Lekin Ye Saza Di Jaaye.
Ya Nabi Mujhko Bhi Haasil Hai Ghulami Ka Sharaf,
Meri Naato Me bhi Taasire Raza Di Jaaye.
Hashr Ke Roz Mai Aaqa Ki Sunaau Naate,
Rab Kahe NAZMI Ko Firdous Me Jaa(n) Di Jaaye
Submit By ALISHER MALIK
