Karte hain jinn o malaik bhi sana e Ahl e bait
Kya baya'n ho paye mujh se etela e Ahl e bait
Ibn e haidar se yazeedi fauj ne khayi shikast
Aoj par hai dekhye ab bhi liwaa e Ahl e bait
Ham ko shar'e Mustafa hasil na yunhi ho gayi
Iski khatir khoon me apne nahaye Ahl e bait
Past ho kar reh gaya har daur ka ibn e ziyaad
Karbala me dekh kar sabr o raza e Ahle bait
Mai banaunga yaqeenan shauq se kuhl ul basar
Gar mile mujh ko bhi ya Rab khaak e paaye Ahle bait
Intesaab unse mera, ye keh raha hai barmala
Hai wahi Rab ki raza, jo hai raza e Ahle bait
Deen par aisa tasallub Ya Khuda karde ata
Ta dam e akhir ho mujh se iqteda e Ahle bait
Nargha e batil se ham ko tu bachale aye Khuda
Istiqamat haq pe mil jaye bara e Ahle bait
Sar sare jaur o sitam behti hai har janib Tameem
Kyun pareshaa'n hai bhala,, tu hai gada e Ahle bait
Az qalam: Peerzada Syed Tameem Ashraf Hussaini
Farzand e Mazhar e Shaikhul Mashaikh Sajjada Nasheen Khanqah e Shamsiya Huzoor Qutbe Raichur Quddisa sirrahu
یادِ اہلِ بیتِ کرام
رضی اللہ تعالی عنھم
--------------------------------------------------
کرتے ہیں جن و ملائک بھی ثنائے اہلِ بیت
کیا بیاں ہو پاے مجھ سے اِعتِلائے اہلِ بیت
ابنِ حیدر سے یزیدی فوج نے کھائی شکست
اوج پر ہے دیکھئے اب بھی لِوائے اہلِ بیت
ہم کو شرعِ مصطفیٰ حاصل نہ یوں ہی ہو گئی
اس کی خاطر خون میں اپنے نہائے اہلِ بیت
پست ہو کر رہ گیا ہر دور کا ابنِ زیاد
کربلا میں دیکھ کر صبر و رضائے اہلِ بیت
میں بناؤں گا یقیناً شوق سے کحل البصر
گر ملے مجھ کو بھی یا رب خاکِ پائے اہلِ بیت
اِنتِساب اُن سے مرا، یہ کہہ رہا ہے برملا
ہے وہی رب کی رضا، جو ہے رضائے اہلِ بیت
دین پر ایسا تصلّب یا خدا کردے عطا
تا دمِ آخر ہو مجھ سے اِقتِدائے اہلِ بیت
نرغئہ باطل سے ہم کو تو بچالے اے خدا
اِستِقامت حق پہ مل جائے برائے اہلِ بیت
صرصرِ جَور و ستم بہتی ہے ہر جانب تمیم!
کیوں پریشاں ہے بھلا،، تو ہے گدائے اہلِ بیت
سید تمیم اشرف حسینی شمسی اشرفی
فرزندِ سجادہ نشین بارگاہِ حضور قطبِ رائچور قدس سرہ
المرقوم: 1441ھ
