Do jahaañ meiñ koi tum sa doosra milta nahiñ Naat Lyrics

Do jahaañ meiñ koi tum sa doosra milta nahiñ
Dhoondhte phirte haiñ mehr o mah pata milta nahiñ

Jo Khuda deta hai milta hai isi Sarkaar se
Kuchh kisi ko haq se is dar ke siwa milta nahiñ

Kya ilaaqa dushman e Mehboob ko Allah se
Be Raza e Mustafa hargiz Khuda milta nahiñ

Koi maange ya na maange milne ka dar hai yahi
Be Ataa e Mustafai Mudda’aa milta nahiñ

Haiñ safa e zaahiri ke saaz o saamaañ khoob khoob
Jis ka baatin saaf ho wo baa safaa milta nahiñ

Bas yahi sarkaar hai jis se hamesha paayeñge
Dene waale dete haiñ kuchh din sadaa milta nahiñ

Dur Saahil Mauj Haa’il paar beda kijiye
Naav hai mañjdhaar meiñ aur naakhuda milta nahiñ

Wasl e Maula chaahte ho to waseela dhoond lo
Be waseela Najdiyo ! har giz khuda milta nahiñ

Hai riyakaaroñ ka shohra aur riyakaari ki dhoom
Boriya e Faqr bhi ab be riya milta nahiñ

Kis tarah ho haazir e dar NOORI e be par shaha
Naake roke dushmanoñ ne raasta milta nahiñ



Connect With us